Je kwa nini namna ile?

M ​ ​Swali: hakukuwa na njia nyingine mbadala ya kutuokoa sisi mpaka YESU afe? ​Amani Ernest Kyamba SOGH Team. ​Let's do GOD'S work together. ​Njia zilikuwepo nyingi kwa sababu MUNGU ni mtendaji na muweza wa yote. Kwa hiyo MUNGU alitaka atumie njia ile ile ya wokozi sawasawa na njia ya uharibifu. Yaani alitaka/alipanga kumrudisha mwanadamu katika utakatifu sawasawa na njia ambayo mwanadamu aliingia katika upotevu. ​Adamu na Eva walipotea kwa kutokutii. YESU akaonyesha njia ya utii katika maisha yaliyozungukwa na kukosa utiifu, Luka 2:52, (akamtii MUNGU na wanadamu). Pamoja na kwamba mwanadamu hakutii na alizama dhambini yeye YESU akampa chaguo mwanadamu, la kukosa utii au kuamua kutii/kufanywa mtiifu. Kwani kupitia yeye mwanadamu akatambulishwa kwamba inawezekana kuwa mtii. ​Kutokutii kwa Adamu kulisababisha kifo. Kifo cha YESU kilimpa mwanadamu nafasi ya kumtii na kumtumikia MUNGU. Adamu alikula tunda akafa, YESU alikufa akaishi. Adamu alifukuzwa kwenye urithi wake, YESU anaturudisha kwenye urithi wa mbingu kupitia neema. Adamu na Eva walipoteza thamani, YESU anarudisha thamani kwa kupitia wokovu. ​MUNGU alisema tusile damu kwa kuwa ni uhai wa kiumbe (hili ni agano kati ya MUNGU na mwanadamu) Torati 12:23. Ishara ya YESU kumwaga damu msalabani ni ishara ya kurudisha uhai wa kiroho kwa watu waliokosa uhai (wanadamu). ​Ilikuwa ni agano na ni sheria kwamba mtu akiuwawa na mtu, damu ya huyo aliyekufa inakaa kwa aliyeua. Mfano Kaini alipomuua Habili, damu ya Habili (mwanadamu) ikawa inamhukumu Kaini mbele za MUNGU. Hivyo MUNGU aliporuhusu mwokozi (mwanaye YESU) kufa, damu ya YESU ikakaa juu ya wanadamu wote. ​Msemo "Damu ya YESU inanena mema" ni jambo halisi na ni la kweli. Kwa hakika damu ya YESU Kristo haipo kuhukumu bali kuokoa. Hivyo damu ya YESU inamkumbusha MUNGU habari ya wokovu wake kwetu. Kwa hiyo ukimwamini YESU unashiriki dhambi ya kumuua YESU, kwa hiyo damu ya YESU inakuwa juu yako, kwa hiyo inaanza kunena mema. ​Maana mara zote damu ya YESU inanena mema, kwa hiyo inakuwa ni msaada kwako. Ni kama MUNGU alikuwa anajitafutia kisa kwa wanadamu ili awaokoe kutokana na mfumo ambao aliudhihirisha tangu mwanzo wa mwanadamu. Kwa hiyo akaamua kumtoa mwanaye aliye na damu ya pekee isiyolaani bali inayoponya ili ikae juu ya wanadamu siku zote, kuwapatanisha na yeye. Maana damu inamwagika ila inapolia anayesikia ni MUNGU mwenyewe (Mwanzo 4:7-10). ​Neno linasema kuwa ukirudi nyuma unamrudisha YESU msalabani tena. Maana ili usamehewe inabidi YESU afe tena, kwa hiyo ni hatia kurudi nyuma mara kwa mara. Maana damu ya YESU ilimwagika mara moja tu kwa ajili ya ondoleo la dhambi. Sasa mbona wewe inamwagika mara sita mara saba? Unakuwa na laana ya kuidharaulisha damu ya mwokozi (unaifanya iwe kama damu ya mafahari na wanyama, wakati yenyewe ni pure holy kuliko damu zote mbinguni na kote). ​Be careful!! Adui asije akajiinua ukapotea mazima. Kwa hiyo MUNGU anataka watu wanaotambua damu ya YESU kuwa ina thamani. Na damu ya YESU inaleta wokovu wa thamani. So be careful. ​SOGH Team Let's do GOD'S work together Blessed

Comments

Post a Comment

Popular posts from this blog

Kuweza kulitendea kazi neno la MUNGU

  ​Part 01: Kuujua Mwamba, msingi, nyumba. Teacher: Amani Ernest kyamba. From SOGH ministry.   ​Neno linapotamkwa na mtu linatamkwa kwa lengo la watu kusikiliza. Ndo maana mtu akiwa anaongea peke yake tutamwona ni kichaa kwa Sababu anaongea peke yake bila kuwepo msikilizaji. Basi neno la MUNGU Lina wasikilizaji ambao ndio sisi. Walengwa wakubwa wa neno la MUNGU ni sisi wanadamu. Yeye MUNGU wa mbinguni anatuonya na kutujenga kwamba tujue Cha kufanya kupitia neno ambalo ndilo amri yake. MUNGU wa mbinguni anachohitaji ni sisi kulitendea kazi neno lake. mathayo 7:24-27.   ​Kutoka katika maneno haya ya YESU Kristo tunajifunza mambo yafuatayo: Mwamba ni MUNGU Zaburi 78:35, zaburi 89:26. Kutoka katika hii zaburi 89:26 tunaona kuwa mwamba ni MUNGU mwenyewe na pia nyumba ni wokovu tulio nao. Na msingi ni kristo 1 korinto 3:11, mjenzi na fundi wa maisha ya mkristo ni roho mtakatifu.   ​Unapoamua kuokoka tu pale unakuwa na msingi wa wokovu ambao ni YESU. Sasa wen...
Read more

Mwamuzi(short notes)

​3. Nani amekufanya mwamuzi kwetu? ​ 20 Jan 2025 Nani amekufanya mwamuzi kwetu?//ijue thamani ya mwamuzi. Kutoka 2:14. ​Kwa Nini mwamuzi akati wamezoea utumwa.mwamuzi alikuja kwa lengo la kuonyesha Nia ya kuwasaidia lakini wao wanamshangaa na kumwona kama anajipendekeza. #MUNGU wa mbinguni amewavusha Israel kwenda nchi ya ahadi, lakini Wana wa Israel wanamshangaa Musa na MUNGU kwamba kwa Nini wamewatoa misri, kwa kuwa shida ya misri waliiona kuwa ni Raha. #na sisi utumwa wa dhambi tunauona ni Uhuru na uzuri kwetu. ​Mfano mwingine: 1 samweli 23:1-13. Daudi aliwaokoa keila kutoka katika mikono ya wafilisti, lakini keila walikuwa wanaenda kumsaliti Daudi kwa kuwa hawakutambua thamani ya mwamuzi. ​YESU Kristo ni mwamuzi!! Unaijua thamani yake?  Kuudharau wokovu ni dalili tosha kuwa. Harutambui thamani ya mwamuzi(YESU kristo) Tutapataje kupona tusipoujali wokovu mkuu namna hii. Wao waliijua thamani,kwa nini sisi tusiijue? Tunapaswa kuijua,ili tusije tukakataliwa japo tuliku...
Read more