Msingi imara(short notes)

Msingi imara(short notes)

February 03, 2026

1. Kanisa na Msingi Imara

07 Jun 2024

Kanisa na msingi imara.

Hakuna nyumba inayojengwa pasipo msingi. uimara wa msingi ndio unaoamua uwezo wa nyumba kuhimili mabadiliko ya Hali ya hewa. ina maana kama kanisa linachezewa na shetani Ina maana kuwa kanisa halina msingi imara. makanisa mengi ya Sasa hayana msingi imara wa wokovu, yaani watu Wana sali lakini Wana hila mioyoni mwao, yaani kwaya zina ugomvi, na watu Wana maneno na hila wao kwa wao, watu wengini ni wasengenyaji uwepo wa dhambi katika kanisa unamuondoa MUNGU asiwepo kwenye kanisa Hilo na ndio maana ibada inapoa na watu wanabaki vile vile siku zote kwa Sababu mtu asiye na MUNGU anafananishwana jiwe ndani ya maji linalokaa kwenye maji ila haliruhusu maji kuingia ndani, yaani mwenye dhambi hawezi kumwona MUNGU hata siku Moja mpaka MUNGU atakapogeuza moyo wa mtu huyo uwe wa nyama. uwepo wa dhambi na kukosa utii wa neno la MUNGU kwa watu unaondoa uwepo wa MUNGU kwenye kanisa.

#yoshua 7:1. israeli ni mfano wa kanisa kama Leo hivi tulivyo. kwa Nini dhambi ya akani iliwafanya Israel wote washindwe vita mbele za mji mdogo wa ai? ni kwa Sababu dhambi ya akani ilihusisha vitu vilivyowekwe wakfu, katika nyumba ya BWANA, nyumba ya bwana kwa Sasa wokovu ndio unaotutenga na kutufanya wakfu kwa MUNGU. tunapoichezea neema ya wokovu ambayo tumepewa na MUNGU. ina maana hatuna msingi imara wa kumshinda mwovu. na hapo kanisa halitaweza kufanikiwa kwa Sababu litaonekana kuwa halina utakatifu. akani alikuwa mwisraeli(yaani aliyeokoka) lakini hakutii agano la MUNGU la kuheshimu madhabahu yake. ina maana alikosa utii.

*ko basi msingi mkuu wa kanisa ni kulisikia na kukubali kulitendea kazi neno la MUNGU wa mbinguni kwa shauku kupitia ROHO MTAKATIFU. mathayo 7:24.

Amen!!

By Amani Ernest kyamba from SOGH team.

Comments

Karibu SOGH Team

bwana YESU asifiwee! Karibu sana mtumishi mwenzangu uliyetia nia ya kufuatilia (follow) blog hii. Kuwa mfuasi hapa siyo tu kuhesabika kama namba, bali ni kukubali kuwa sehemu ya SOGH (Servants of God of Heaven). Sisi ni mbegu ya MUNGU iliyojitenga na kutakaswa ili kuithibitisha kweli ya MUNGU mbele za watu. Katika safari hii, tutashirikiana kuona yaliyo JUU tu. Tunakataa mtazamo wa 'chini' unaotufanya tujilinganishe na giza la dunia. Hapa tunajifunza: Msamaha wa Kweli: Usioacha kovu, bali unaoleta upatanisho wa matendo. Wokovu wa Usahihi: Kumtafuta MUNGU kwanza ili dhambi ikimbie yenyewe. Macho Mbele: Kutogeuka nyuma kwenye asili zetu, bali kuitazama mbingu. Asante kwa kuamua kuambatana nami, Amani Ernest Kyamba, katika kazi hii ya MUNGU. Maadamu umeamua kuzama kwenye 'Jordani' ya neno la kweli, naamini utatoka ukiwa safi kabisa pasipo kovu lolote. Tuanze safari: Macho mbele, Maono mbele!.safari yetu ni kwenda mbinguni. Blessed you all, Fellow SOGH Amani Ernest Kyamba." let's do GOD'S work together

Maono ya SOGH Team

MAONO NA LENGO LA SOGH TEAM SOGH Team ni kifupisho cha "Servants Of GOD of Heaven". Sisi ni watumishi wa MUNGU wa mbinguni walioajiriwa na MUNGU kuifanya kazi yake katika ulimwengu huu, tukiongozwa na neno lake katika Mathayo 24:14. Kwanini SOGH Team? YESU Kristo alisema kuwa injili itahubiriwa siku za mwisho, na kwa kuwa sasa ndio siku za mwisho, ni wajibu wetu kuitangaza injili hiyo kwa bidii na kujitoa. Lengo letu kuu ni kuwafanya mataifa yote kuwa watumishi wa MUNGU na kuwasaidia watu watembee katika njia sahihi ya utakatifu ndani ya YESU Kristo. Misingi ya Maono Yetu: Kurudi kwenye Asili: Mwanadamu alizaliwa kwa asili ya rohoni na kudhihirishwa katika mwili. SOGH tunahimiza watu kurudi kwenye asili yao ya kumpenda na kumtumikia MUNGU. Kutetea Ukweli (Mawakili wa MUNGU): Katika wakati huu ambapo kuna watumishi potofu walioajiriwa na adui, SOGH tunasimama kama mawakili wa MUNGU (1 Korinto 4:1) kutetea ukweli usipotoshwe. Kupambana na Giza la Dunia: Dunia imetanda giza la dhambi kama vile uasherati, uzinzi, na ushoga, ambayo sasa yanachukuliwa kama mambo ya kawaida. SOGH tuko hapa kuamsha mioyo iliyotiwa giza na kuitangaza nuru ya Kristo. Umoja na Uchungu kwa Waliopotea: Hatujihesabii haki, bali tunabeba mizigo ya wengine kama alivyofanya YESU Kristo. Tunatakiwa kuwa na uchungu kama Eliya mtishbi alipoona watu wakipotea kwa Baali. Wito Wetu: SOGH si jina tu, ni nia ya kusimama na kuuvua uongo huku tukimtafuta MUNGU kwa usafi wa moyo ili tusije tukakataliwa siku ile ikifika. Tufanye kazi ya MUNGU pamoja. Macho mbele, Maono mbele! This is a SOGH Amani Ernest Kyamba #SOGH Team #let's do GOD'S work together..